Ajo ka sfiluar pothuajse në të gjitha shfaqjet kryesore gjatë Javës së Modës “Haute Couture” në Paris.
Dhe të mërkurën nuk kishte sesi të mungonte në pasarelën e “Fendi”-t, bashkë me miken e saj të ngjushtë, modelen Kendall Jenner.
Bukuroshja 20-vjeçare pati një veshje të guximshme, duke ekspozuar sërish gjoksin e saj me një fustan të thjeshtë me qëndisje të bukur blu.
Flokët i kishte kapur, duke i kushtuar rëndësi fustanit. Ndërkohë, Kendall kishte një pamje më modeste, duke shfaqur këmbët e saj të gjata me një fustan të shkurtër me rrjetë të zezë dhe mëngë të gjera që i mbulonin krahët.
Shefi i “Chanel” Karl Lagerfeld, i cili ishte edhe dizajnuesi dhe drejtori kreativ në shtëpinë e modës italiane “Fendi”, kishte sjellë krijime të veçanta me dizenjo lulesh që na lanë pa fjalë.
