Bella Hadid ka hequr dorë nga alkooli
Në një intervistë me “InStyle”, modelja dhe sipërmarrësja, 25 vjeç, shpjegoi se ishte “shumë më e vështirë të merrje gotën” pasi mjeku i saj (dhe këshilltari mjekësor për markën e saj të pijeve joalkoolike Kin Euphorics) i tregoi asaj efektet e alkoolit në trurin e saj.
“Unë kam bërë pjesën time të pijes,” tha Hadid, e cila vendosi të heqë dorë nga pirja gjashtë muaj më parë.
“Më pëlqente alkooli dhe arrita në pikën ku edhe unë fillova, e dini, të anuloj netët që ndjeja se nuk do të mund ta kontrolloja veten”.
Ajo u bë bashkëthemeluese dhe partnere e Kin në shtator, pasi zbuloi se kjo ndihmoi me ankthin e saj,bllokimin e trurit nga sëmundja Lyme dhe udhëtimet e vazhdueshme.
“Unë nuk e ndjej nevojën [të pi alkool] sepse e di se si do të ndikojë tek unë në orën 3 të mëngjesit kur zgjohem me ankth të tmerrshëm duke menduar për atë një gjë që thashë pesë vjet më parë kur mbarova shkollën e mesme.” tha Hadid. “Ekziston vetëm ky efekt i pafund i, në thelb, e dini, dhimbjes dhe stresit mbi ato pak pije që në të vërtetë, e dini?”
Hadid më parë u shpreh e sinqertë për shëndetin e saj mendor në nëntor, kur postoi foto të saj duke qarë. “Rrjetet sociale nuk janë reale. Për këdo që ka vështirësi, ju lutemi mbani mend këtë”, ka shkruar ajo.
