Kur Presidenti Trump deklaroi për herë të parë ndalimin e emigracionit në janar, mijëra persona protestuan nëpër rrugë, përfshirë Bella dhe Gigi Hadid.
Modelet iu bashkuan marshimit “Jo ndalimit, jo murit” në Nju-Jork, bashkë me nënën dhe disa miq, ndërsa mbanin në duar pankartën “Jemi të gjithë njerëz”.
Bella nuk ishte e frikësuar të fliste lidhur me këtë më pas.
“Nuk duhet t’i trajtojmë njerëzit sikur ata meritojnë mëshirën tonë vetëm për shkak të etnitetit të tyre. Nuk është e drejtë”, tha Bella për “Elle”
Një muaj më pas, modelja vazhdon të flasë hapur lidhur me këtë çështje. Tema prek edhe modelen 20-vjeçare, sepse ajo është myslimane dhe babai i saj, Mohamed Hadid, “ishte refugjat kur erdhi për herë të parë në Amerikë”, tha ajo për revistën “Porter”.
“Kështu që politika e Trump prek shtëpinë time, motrën time, vëllain tim dhe mua. Ai (babai) ka besuar gjithmonë dhe është lutur gjithmonë për ne. Jam krenare që jam myslimane”, u shpreh modelja.
Modelja u pyet edhe për ndarjen dhe të qenit “single”.
“Thjesht po fokusohem te vetja, puna ime dhe të jap më të mirën nga vetja. Nuk më shqetëson se çfarë mendojnë djemtë për mua, thjesht po përpiqem të jem një femër”, u shpreh Bella lidhur me jetën e saj të dashurisë.
Burimi: Elle
