Po e prisni një tjetër hit nga Ledri? E kotë t’ju pyesim në fakt, sepse e dimë që përgjigjja është gjithmonë “PO”.
Çuni i hiteve ka punuar edhe kësaj here për të na i rrëmbyer zemrat sërish dhe ky projekt do të ketë “american vibes”.
“Amerikana” titullohet kënga e re për të cilën ende s’kemi një datë publikimi, megjithatë e presim sa më shpejt të jetë e mundur. Ndaj, i bëjmë thirrje Ledrit të nxitojë pak me publikimin!
“Shihemi me Amerikana”- shkruan Ledri krahas postimit.
Kujtojmë se mbrëmjen e kaluar, Ledri u fut në shtëpinë e “Big Brother VIP” dhe megjithëse fansat dëshironin ta shihnin si banor, ai shkoi vetëm për të surprizuar dy miqtë e tij më të mirë, Dj PM dhe Dj Dagz.
Pasi surpriza u realizua me sukses dhe banorët u gëzuan nga ardhja e tij, Ledri sigurisht u kthye në shtëpi, ku e priste partnerja Sara dhe e bija Poem Blu.
Madje, gjatë emisionit reperi tregoi se Poi ishte arsyeja që ai nuk futej si konkurrent në “Big Brother”, pasi nuk rrinte dot shumë kohë pa e parë dhe po ashtu, e vogla kishte nevojë për babain e saj.
