Viti 2020 do të nisë me super hite, pasi reperi shumë i dashur për shqiptarët, Capital T, i ka gati projektet e reja që ka përgatitur për ne!
Në një intervistë për “Prive” mbrëmjen e kaluar, Kapo tregoi se po sjell një album të ri të një kualiteti të lartë, për të cilin beson se do të jetë më i miri i karrierës së tij.
Reperi po punon fort për këngët e reja që këtë herë do ta sjellin ndryshe në sytë e publikut.
“Në atë album ka shumë produkte të reja, shumë këngë që më sjellin ndryshe për publikun, shfaqin anë të ndryshme të miat që më herët s’i kam pru në muzikë. Ka producenta të shumtë që janë duke punu në këtë projekt. Ka me pas bashkëpunime që njerëzit nuk kanë me i prit. Çfarë është më interesantja, është që standarti ka me qenë i njëjtë si koncertet që i kemi realizu dhe ka me qene më i lartë se produktet e tjera që i kam pru deri tash. Po punojmë fuqishëm me krejt ekipën, për me pru ndoshta albumin tem ma t’mirë që e kam realizu deri më sot.”- ka rrëfyer Capital T.
Nëpërmjet postimit të tij të fundit në Instagram, Kapo po i mban të karikuar fansat për albumin e vitit 2020, titulli i të cilit ende nuk është bërë i ditur, ndërsa të gjithë po presim me padurim datën e lançimit të tij.
Reperi zbuloi se albumi i ri me super hite është rrugës dhe do të vijë në muajt e parë të vitit 2020 , ndërsa ne jemi të bindur se secila këngë do të ketë një sukses të paparë.
Kapo bën mirë të mos na lërë gjatë në pritje, sepse jemi më shumë se gati për hitet e tij!
