Prej vitesh Roza Lati mbetet një nga moderatoret më të veçanta shqiptare, e cila nuk ka frikë të flasë troç apo të bëjë veprime të marra aty për aty.
Ndërsa së fundmi tregoi pamjen e saj më të re me flokët rozë, tashmë është në dilemë për të marrë një tjetër hap në jetën e saj.
Veç moderimit, Roza po mendon që të zgjerojë karrierën e saj edhe si këngëtare.
Së fundmi ajo publikoi në Insta Story disa foto ku tregon se ndodhet në një studio muzikore, pranë artistes së njohur, Diana Ziu, e cila duket e përqendruar në projektin e ri.
“Njerëz unë jam me Diana Ziun dhe po mendojmë të bëjmë një këngë për ju”, shkruan Roza në mbishkrimin e fotos.
Dhe më pas vazhdon me një pyetje për ndjekësit e saj: “Jeni dakord të bëj një këngë?”.
Deri më tani 76% e ndjekësve janë përgjigjur me “Po”.
Meqë e la në dorë të ndjekësve për të vendosur, ndoshta tani Roza e merr seriozisht idenë për të realizuar një këngë.
