Nëse jeni të pasionuar pas filmave me siguri që e keni parë të paktën një herë fimin “Legally Blonde”, me të cilin jeni dashuruar që me shikim të parë.
Ai trajton historinë e një vajze bionde e cila rrëzoi të gjitha paragjykimet që ekzistojnë sot për vajzat bionde. Ky është një film me nota të theksuara feminizmi, ku humori ndërthuret përsosmërisht me problemet e përditshme me të cilat hasen vajzat.
Mirëpo sipas informacioneve që po qarkullojnë në mediat e huaja pritet që “Legally Blonde” të vijë këtë vit me filmin e tretë, në të cilin rolin e Elle-s do ta luaj përsëri Reese Witherspoon. Ajo ka qenë vetëm 17-vjeç kur e luajti për herë të parë këtë rol dhe goditi gjithë teatrot dhe kinematë e botës.
Siç raportohet studioja “MGM” po rikthen me këtë film pjesën më të madhe të ekipit kreativ të filmit të parë, duke përfshirë edhe dy skenaristët origjinalë Kristen Smith dhe Karen Mçullah.
Megjithëse ende nuk dihen shumë detaje për filmin e tretë, hamendësohet se ai do të jetë shumë afër filmit të parë, por me një temë edhe më të madhe për fuqizimin e femrave.
Reese me sa duket dha pa dashje një shenjë për këtë projekt të madh gjatë një interviste me James Corden në marsin e kaluar.
Sipas thashemeve të deri më tanishme filmi ka nisur të përgatitet dhe ne të gjithë mezi po presim që të shohim produktin final.
Burimi: Cosmopolitan
