Pas zërave se me mosdekretimin e Gent Cakajt si ministër i Jashtëm, posti do t’i kalonte kreut të qeverisë Edi Rama, vendosi të reagonte ky i fundit.
Në një status në Twitter, Rama konfirmon se do ta marrë ai postin e ministrit të Jashtëm, por që do të jetë ‘de jure’, deri në momentin që ky ngërç politik do të zgjidhet.
Rama me ironi shton se nuk ka kohë për të humbur pas Presidentit.
“Presidenti s’e ka ç’dekretuar ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese. Deri atë ditë që vjen shumë shpejt,do të jem de jure në këtë rol sepse s’kemi kohë për të humbur në kërkim të Presidentit”, shkruan Rama në Twiiter.
Vendimi vjen pasi Presidenti Ilir Meta për herë të parë nuk dekretoi shkarkimin dhe emërimin e kryeministrit.
Gjykimi për vendimin e Metës do duhej të bëhej nga Gjykata Kushtetuese, por ajo nuk është ende në funksion për shkak të reformës në drejtësi.
Burimi: Gazetareforma
