Zbulimi i lidhjes së fshehtë të Gerard Pique-s me Clara Chia Marti, i dha fund marrëdhënies 12 vjeçare të tij me Shakirën.
Që prej 4 qershorit, kur ato dolën në një deklaratë të përbashkët për të njoftuar ndarjen, janë kthyer në një temë të nxehtë në të gjitha mediat.
Teksa sot pas disa muajsh secili vazhdon rrugën e tij, janë dy djemtë në mes nyja që lidh akoma futbollistin me këngëtaren. Dyshja së fundmi mësohet se janë takuar për të diskutuar mbi kujdestarinë e Sashës dhe Milan, por gjërat kanë shkuar keq.
I frustruar me kushtet e Shakirës, Pique është larguar nga tavolina e bisedimeve duke e lënë këtë çështje të hapur. Mbrojtësi i Barcelonës kishte shkuar me ide të qarta në këtë takim për ta zgjidhur njëherë e mirë këtë situatë, por këngëtarja i ka prishur planet.
Shakira vazhdon të jetë e bindur që do të zhvendoset me fëmijët në Miami. Ndërsa Pique me gjithë fuqinë e tij kërkon t’i mbajë në Spanjë.
Dyshja për asnjë arsyje nuk duan ta çojnë çështjen në gjykatë, ndonëse nuk po arrijnë një konsensus.
Kujtojmë që Shakira dhe Pique të cilët kanë dy fëmijë së bashku u takuan për herë të parë në 2010 pasi ai u shfaq në videon e këngës së saj “Waka Waka”, e lansuar për Kupën e Botës në futboll atë vit.
