Nëna e Oriola Marashit është po aq e famshme sa e bija. Xhoi Jakaj ka qenë ish-drejtoreshë e Burgut të Grave në Tiranë dhe së fundmi i është përkushtuar profesionit të pedagoges. Ajo ishte e ftuar sot në emisionin “Shiko kush vjen për drekë” nga ku është surprizuar nga vajza e saj e vogël.
Xhulia i ka shprehur publikisht dashurinë nënës së saj dhe ka thënë se ndihet mjaft krenare për të. Xhoi u habit nga fakti që vajza e vogël i bëri video-mesazh dhe me lot në sy tregoi se Xhulia është një natyrë e mbyllur dhe nuk e priste që ta bënte këtë.
“Jam shumë e lumtur që ishte Xhulia, sepse Oriola tashmë është bërë qendra e botës dhe e universit”, u shpreh nëna e ish-modeles së “Icon Agency”.
