Ish-modelja e “Icon Agency”, Nevina Shtylla është shndërruar në një ndër moderatoret më të dashura të publikut shqiptar. Me ëmbëlsinë dhe çiltërsinë e saj prezantuesja e “Jo vetëm modë”, i ka bërë të gjithë për vete.
Nevina tregohet shumë e rezervuar përsa i përket jetës private pasi e konsideron të shenjtë. Pikërisht fakti që ajo nuk zbulon asnjë detaj nga jeta e saj personale e ka rritur kurreshtjen e publikut për të zbuluar çdo detaj rreth saj.
Së fundmi, në një intervistë për revistën “Who”, Nevina ka folur për karrierën e saj, roli në një film, pjesëmarrja në konkurse bukurie, si dhe i ka habitur të gjithë me deklaratën e saj mbi adoptimin e fëmijëve.
“Unë e mbështes adoptimin. Ndoshta për disa është një koncept që nuk do e pranonin kurrë, por mua më duket diçka e bukur dhe jo vetëm në rastet kur për arsye biologjike nuk mund të bësh fëmijë vet. Mendoj se në të ardhmen do ta bëj një zgjedhje të tillë”, është shprehur Nevina gjatë intervistës.
Kjo deklaratë e papritur e ish-modeles së “Icon Agency”, i befasoi të gjithë dhe sapo na tregoi se është një njeri me zemër të madhe. 
