Kantautori Gjergj Leka i ftuar dje në emisionin “Rudina” ka zbuluar se së shpejti do ta shohim në një emision të vetin dhe jo vetëm kaq por ai do të hap edhe një televizion të ri.
Emisioni i tij i ri do të titullohet “Shtëpia e artistit” dhe do të shfaqet në ekranin e televizionit “Antena” në Shkodër.
“Emisioni do të shfaqet në 4 dhjetor. Është një emision gatimi ku do të flitet edhe për muzikën sepse ushqimi dhe muzika janë gjithmonë bashkë. Do të kem të ftuar të shumtë dhe do të flas pa qime në gojë”: rrëfeu Leka për emisionin e tij.
Ndërsa televizionin e ri do ta hap në bashkëpunim me Aleksandër Frangaj dhe do të quhet “Retro Tv”.
Ky do të jetë një televizion që do t’i kushtohet ekskluzivisht serialeve, emisioneve dhe muzikës retro, për të cilat publiku ka shumë nostalgji, krahas edicioneve të lajmeve dhe një program për promovimin e talenteve të reja.
Gjergj Leka zbuloi gjithashtu se ai ka udhëtuar drejt Italisë për të marrë lejen e transmetimit të disa serialeve të njohurat transmetuara vite më parë.
