Ajo është një artiste e kompletuar në çdo aspekt. Piktore, fotografe, shkrimtare me shumë libra të botuara në Itali dhe në Francë, si dhe me disa ekspozita të hapura në Paris. Artistja Ornela Vorpsi, e cila e zhvillon karrierën e saj artistike jashtë Shqipërisë ishte e ftuar dje në emisionin “Top Show” ku për herë të parë rrëfeu dashurinë e saj të madhe për kryeministrin Edi Rama.
Ornela pranoi publikisht se e donte marrëzisht Ramën në kohën kur ishte studente dhe ai profesor.
“Edin e kam njohur kur kam qenë 18 vjeç, ai ishte 22 vjeç. Ishte profesor në Institutin e Arteve, njeri i jashtëzakonshëm me një kulturë të jashtëzakonshme, me një karizëm të spikatur, jashtë mase i talentuar dhe i kultivuar. Edin e kam dashur jashtë mase në mënyrë platonike. Unë isha dakort, por ai nuk donte”, u shpreh Vorpsi duke treguar dashurinë e saj platonike për kryeministrin Rama.
Në kohën kur gjithë meshkujt i kishin sytë tek ajo, Rama e refuzoi duke mos e pranuar dashurinë e saj të madhe.
