Ajo është një ndër aktoret më të njohura të publikut shqiptar dhe numëron 20 vite karrierë artistike. E ftuar në emisionin “Zonë e lirë”, aktorja Anila Bisha na la të gjithëve pa fjalë me deklaratat e saj.
Ajo ishte e ftuar në “Zonë e lirë” së bashku me një grup aktorësh, të cilët protestojnë kundër projektligjit për Artin. “Live” në emision Anila akuzoi publikisht Hervin Çulin, drejtorin e Teatrit Kombëtar, se i ka thënë në sy se ajo nuk do të shkelë në teatër deri sa të jetë ai aty.
“Jemi të terrorizuar. E di ti që unë nuk jam e angazhuar në Teatrin Kombëtar. Dhe më ka thënë direkt në sy: ‘Sa të jem unë ti nuk do të punosh në Teatrin Kombëtar.’ Kështu më tha drejtori Hervin Çuli. E gjitha kjo ishte vetëm sepse unë kisha shprehur mendimin tim si funksionon teatri në publik. Nuk thonë kot, që neve na trajtojnë si skllevër”, denoncoi aktorja Anila Bisha.
