Gigi Hadid dhe Zayn Malik janë bërë prindër për herë të parë!
Ka qenë modelja e njohur ajo e cila ka dhënë lajmin e bukur për ardhjen në jetë të vajzës së saj të vogël, për të cilën është shumë e emocionuar.
“Vajza jonë u bashkua me ne këtë fundjavë dhe ajo tashmë ka ndryshuar botën tonë. Kam rënë në dashuri”, shkruan Gigi në Instagram.
https://www.instagram.com/p/CFgSR7mHV7y/
Modelja ka publikuar një foto të dorës së vogël të vogëlushes së saj, që i shtrëngon gishtin. Gigi nuk ka zbuluar portretin e vajzës, për të cilin janë kuriozë miliona fansat e saj dhe të partnerit Zayn.
Ky i fundit ka publikuar gjithashtu një dedikim për të bijën dhe një foto ku shfaq dorën e tij duke mbajtur dorën e vogël të vajzës.
“Vajza jonë është këtu, e shëndetshme dhe e bukur. Të provosh të shprehësh me fjalë se si po ndihem tani do të ishte një detyrë e pamundur. Dashuria që ndiej për këtë njeri të vogël është përtej kuptimit tim. Mirënjohës që e njoh dhe krenar për ta quajtur timen dhe mirënjohës për jetën që do të kemi së bashku”, shprehet këngëtari.
Çifti ende nuk e ka zbuluar emrin e vogëlushes dhe mezi po presim të mësojmë sesi do ta quajnë!
https://www.instagram.com/p/CFgP88Ml0NF/
