Pas Sarës dhe Ledionit, personi më i lumtur për bebushin e vogël që po vjen, është London.
Vogëlushi ka nisur që tani të tregojë përkujdesje për vëllain ose motrën e tij të vogël që është duke ardhur dhe mami Sara kujdeset që të na e demostrojë këtë çdo ditë.
Pasi publikoi një video të London duke shtyrë karrocën e tij në rrugë me komentin: “Po praktikohemi”, një tjetër video e ëmbël mbërrin sot.
Në të shfaqet Sara e shtrirë me barkun e rrumbullakosur, të cilin ia përkëdhel London. Ky i fundit duket shumë i emocionuar teksa puth vëllain ose motrën e vogël.
“Bebi lëviz”, dëgjohet teksa thotë London në videon e ëmbël!
Javën e kaluar, Sara dha personalisht lajmin e bukur në profilin e saj në Instagram, ku ka publikuar një foto me barkun e rrumbullakosur!
Në mesin e një plazhi fantastik me rërë të bardhë, mami Sara duket tepër tërheqëse me një palë rroba banjo trup në ngjyrë të zezë, teksa përkëdhel bebushin e saj në bark.
“Një tjetër kryeqytet europian është rrugës”, shkruante bukuroshja duke na bërë të mendojmë se London do të ketë një vëlla ose motër me emrin e një kryeqyteti europian.
Dhe deri më tani, Paris është emri më i sugjeruar për vajza!
