Përpos angazhimeve artistike këngëtarja shqiptare, Bebe Rexha stërvitet për të mbajtur linjat seksi trupore, dhe shkon edhe në palestër.
Në njërën prej seancave stërvitëse, 28-vjeçarja e ka takuar sërish aktorin hollivudian, Sylvester Stallonen.
Natyrisht, këtë rast e ka shfrytëzuar për të realizuar edhe video ‘selfie’ me aktorin 71-vjeçar teksa e ka falënderuar për inkurajimin që e ka marrë prej Stallones në kohën që ajo ishte në depresion të thellë dhe mendonte të largohej prej botës së muzikës.
“Rreth një muaj më parë, unë shkova në palestër dhe sinqerisht mendoja të largohem nga bota e biznesit të muzikës sepse ndjeva sikur po ndiqja lartësitë boshe dhe isha në depresion të thellë. Ky njeri ishte aty atë ditë dhe më dha inkurajimin më të mirë ndonjëherë dhe sot ai ishte këtu përsëri për të më kujtuar se nuk është vetëm një vrapim, por kjo është një maratonë. Gjërat mund të ndryshojnë shpejt”, ka shkruar Bebe në “Instagram”.
