Kur është fjala për trupin e saj, Bebe Rexha nuk gjen qetësi.
Së fundi ajo është përfolur se është shtatzënë pasi u fotografua në rrugët e Londrës me barkun e rrumbullakosur.
Kaq mjaftoi dhe fansat nisën menjëherë të aludonin se këngëtarja 28-vjeçare ishte shtatzënë.
Por Bebe nuk vonoi shumë dhe reagoi menjëherë për këto thashetheme duke thënë se është vetëm e mbushur dhe jo në pritje të ëmbël: “Jo, jam topolake!”
Këngëtarja e hitit “Last Hurrah”, shkroi në Twitter për të sqaruar keqkuptimin që lindi nga fakti që ishte veshur me xhinse të ngushta.
Pak kohë më parë, Bebe Rexha u refuzua të vishej për Grammys nga një shtëpi e rëndësishme mode, pasi sipas saj, ishte e shëndoshë.
Sot në një intervistë për Lorraine, ajo u shpreh se e do trupin e saj ashtu siç është, por u lëndua shumë nga këto konsiderata.
