Bebe Rexha është nisur drejt Shqipërisë për t’u bashkuar me kauzën e vendit të origjinës së saj.
Ajo ka ardhur të sjellë kontributin e saj për personat e prekur nga tërmeti dhe është siguruar që ndihma e saj të shkojë në vendin e duhur.
Nëpërmjet ‘After the earthquake, Help Albania’, ajo ka grumbulluar 81 mijë dollarë dhe ka menduar që me to të ndërtojë 1 ose 2 shtëpi.
Por ky nuk është i vetmi qëllim, pasi artistja me famë botërore po shpreson që me kontributin e saj, të bëjë të ditur për mediat ndërkombëtare situatën reale në Shqipëri. Kështu, kjo do të shërbejë edhe si një thirrje për ndihma dhe të tjera kontribute të ardhura nga jashtë.
Pasi të mbërrijë ajo do të bëjë maksimumin që të bëjë rastin sa më publik në mënyrë që kauza të përfshijë edhe mediat botërore.
Por duket se udhëtimi i saj nuk ka qenë aspak i lehtë.
Ajo është përballur me turbulence në ajër dhe sigurisht që ato e kanë frikësuar shumë.
“Turbulenca më e keqe që kam kaluar në një kohë të gjatë. Oh Zot. Nuk e di dhe sa mund të përballoj”, ka shkruar ajo në Instastory.
