Ajo është një ndër këngëtaret që ka korrur sukses me muzikën e saj jashtë trevave shqiptare, por sërish nuk e harron origjinën e saj.
Pas flamurit kuq e zi që publikoi pak ditë më parë, BebeRexha ka treguar se e pëlqen muzikën shqiptare. Ajo ka publikuar një video në “Instagram”, ku shfaqet në një tavolinë në një ambienti të ngrohtë familjar, e rrethuar nga prindërit teksa të gjithë së bashku këndojnë këngën e njohur popullore “Hajde halla e madhe” në gjuhën shqipe.
“Familja është gjithçka, së bashku duke kënduar në shqip”, shkruan këngëtarja.
Bebe Rexha po e dëshmon vazhdimisht që pavarësisht suksesit të madh në tregun ndërkombëtar, ajo nuk e quan veten një të huaj, por shqiptare.
