Bebe Rexha udhëtoi 1 vit më parë nga Amerika drejt Bubqit për të parë vetë nga afër dëmet që kishte shkaktuar tërmeti i fuqishëm i 26 nëntorit. Këngëtarja u takua me gjithë banorët e zonës dhe foli nga afër me në një nga familjet që kishte mbetur thuajse pa shtëpi për shkak të dëmeve te shumta që banesa e tyre kishte marrë. Bebe premtoi se ajo vetë bashkë me të gjithë ata që do të kontribonin do të ndërtonin një shtëpi të re nga e para për këtë familje.
Këngëtarja e ka mbajtur premtimin dhe sot ka treguar se shtëpia e tyre është gati. Ajo ka publikuar një video me kujtimet e vitit të shkuar dhe një tjetër në të cilën shihet familja nga Bubqi duke hyrë në banesën e re. Shihet se ata kanë vendosur edhe fotografi të Bebe Rexhës në shtëpinë e tyre dhe madje e puthin, duke shprehur në këtë formë mirënjohje për ndihmën që ajo iu dha në momentin më të vështirë.
“Shtëpia e parë u mbarua! Faleminderit të gjithë atyre që dhuruan në fondet për tërmetin në Shqipëri. Faleminderit ty Monika Kryemadhi që më ndihmove për ta bërë të mundur këtë gjë! Diçka kaq e bukur për t’u parë. Fiks në kohë për festa! Asgjë nuk më përmbush më shumë”, ka shkruar Bebe përkrah videos.
View this post on Instagram
Bebe Rexha ka premtuar se do të ndërtojë edhe një shtëpi tjetër me financimin e saj dhe të donatorëve të tjerë që e ndihmuan në këtë nismë.
