Bebe Rexha ka shkëlqyer mbrëmjen e së dielës në performancën e saj me reperin e mirënjohur Eminem në Coachella.
Më në fund, këngëtarja shqiptare ka pasur mundësinë të këndojë këngën që e ka shkruar vetë, por që produksioni ia mori për t’ia dhënë Rihanna-s.
Bebe ishte shumë e emocionuar që më në fund ndau skenën me “legjendën”, siç e quan ajo Eminem:
“Mbrëmja e djeshme ishte një film. Këndova këngën që më ndryshoi jetën me një legjendë. Gjithmonë çdo gjë rrotullohet. Faleminderit Eminem që më bëre pjesë të kësaj”, shkruan Bebe në Instagram.
“The Monster” u publikua në dhjetor të 2013. Kënga ishte projektuar fillimisht për Beben e cila është dhe tekstshkruajtësja, por produksioni vendosi në fund që të mos ia jepte bukuroshes shqiptare.
Kjo gjë sigurisht nuk i ka pëlqyer aspak Bebes, e cila nuk ka nguruar ta thotë hapur se pasur një hatërmbetje mes këngëtareve. Ajo madje e ka akuzuar Rihanën se nuk di të këndojë:
“Ato notat e larta “oooh ohhh” i kam bërë unë, se Rihanna nuk mund t’i këndojë ato nota. Ajo nuk di të këndojë”.
Fansat e komplimentojnë për zërin ndërsa shtojnë se ky është një version më i mirë i kënduar nga vetë autorja e këngës dhe jo Rihanna.
“Çfarë zë i mrekullueshëm, më mirë se Rihanna”.
“I mbyte ato notat e larta”.
“Pjesa me notat e larta është zëri i Bebes dhe në të vërtetë e gjithë kënga është e saj. Rihanna vetëm lëviz buzët në atë pjesë”.
