E keni menduar ndonjëherë një bashkëpunim me këngëtaret më të njohura me origjinë shqiptare? Epo njërës prej tyre duket se i ka shkluar në mendje dhe këtë vendosi që ta tregonte publikisht.
Bebe Rexha tregoi se dëshiron të bëjë një këngë me tre këngëtaret e njohura shqiptare, Rita Orën, Dua Lipën dhe Ava Max-ën.
Përmes një postimi në Twitter, Bebe shkroi: “Dua një bashkëpunim me Dua Lipën, Rita Orën, Ava Max”, duke e shoqëruar me ikonat e ngjyrave kuq e zi.
Nga të përmendurat në postim reagoi vetëm Ava Max, emri i vërtetë i të cilës është Ava Koçi.
Ava e ka filluar karrierën e saj në Britani, ku dhe ka prezantuar këngët e saj si, “Sweet but Psycho”, “My Way”, apo “Not your Way”. Ajo gjithashtu është bërë pjesë e albumit të David Guetta-s me hitin që po dëgjohet kudo, “Let It Be Me”.
Ndërkohë, presim se çfarë mendimi kanë Rita Ora dhe Dua Lipa, të cilat nuk aspak raport të mirë me njëra-tjetrën.
