Para disa ditësh, Tea Trifonit, vajzës më të diskutuar të ditëve të fundit, ju mbyll llogaria e saj në Instagram. Ish-konkurrentes së “Për’puthen” fillimisht ju fshi videoja sqaruese në Youtube dhe më pas ju mbyll llogaria në Instagram.
“Në fillim video në Youtube, tani Instagrami! Çfarë tjetër?”, shkroi Tea e habitur, duke mos e kuptuar se çfarë ndodhi me llogarinë e saj.
Megjithatë fshirja e videos dhe mbyllja e llogarisë nuk e ndali Tean që të publikonte një tjetër deklaratë kundër Olsa Muhametit, autores së programit.
“Ti më duket se e paske kujtesën pak të shkurtër Olsa, por s’ka problem sepse t’i kujtoj unë ca gjëra. Ti i dije të gjitha! Unë kam kërkuar që të dal që në dhjetor, por ti më nxirrje mua 100 justifikime. Unë dhe Andi kemi kërkuar të dalim si çift të përputhur, të përplasur, të përleshur sido që të ishte vetëm që të dilnim nga aty sa më shpejt. Pse moj Olsa harrove ti që kur folëm bashkë për Vitin e Ri unë kam qenë në Kosovë tek Bearti duke festuar me familjen e tij dhe pas kësaj ju më keni kërkuar foto që unë duhej t’i bëja me Andin, foto që s’u bënë kurrë. Edhe unë për këto kam prova.
Dhe pas kësaj ju na përmendni krimin tonë të rëndë që është giveaëay, bizneset që bëjmë ne kur në fakt bizneset i bën ti. Ti më ke mbajtur aty mua, jo se më doje, jo se më paske dashur, por sepse të interesonin reklamat dhe pjesa jote, sepse bizneset donin që të isha unë dhe Andi me takimet tona për të reklamuar ata. Edhe unë personalisht madje, edhe ne nuk kemi marrë asnjë kokërr leku nga kjo, asnjë lloj pagese, kemi ardhur aty vetëm me shpenzimet tona me veshjet tona, transportin tonë, me kohën tonë me gjithçka. Edhe ti na akuzon për biznese”, shprehej Tea ndër të tjera në deklaratën e saj.
https://www.youtube.com/watch?v=GMjlCOOgv_Y
Mirëpo partneri i saj, Bearti, nuk e lë Tean të mungojë në rrjete sociale as në këto ditë të vështira. Ai ka ndarë në Instagram foto të një pikture që është bërë nga Tea. Kështu Bearti na zbuloi dhe një pasion të fshehtë të Teas, që ajo nuk e kishte treguar kurrë sa ishte pjesë e “Për’puthen”. Nuk dihet nëse ajo e ka bërë pikturën më herët apo gjatë këtyre ditëve, por duket se ka goxha talent.
