BBC, një nga mediat më të njohura në botë ka shkruar për dy shqiptarë të cilët kultivonin drogë në një fabrikë kanabisi në zonën e ashtuquajtur, Redgrave, Angli.
34-vjeçari Eglant Selenica dhe 29-vjeçari Daniel Muhaj janë arrestuar menjëherë dhe mbi ta rëndon akuza e kultivimit të drogës.
Raportohet se dy të arrestuarit të cilët nesër do të dalin në gjyq, ruanin fabrikën me 800 bimë kanabisi, vlera e së cilës në total shkonte 1 milion paund.
Avokati është shprehur se arsyeja se përse shqiptarët kultivonin drogë është për shkak të vështirësive ekonomike që kishin. Selenica dhe Muhaj rrezikojnë minimumi 3 vite e gjysmë burg.
Thuhet se policia është lajmëruar nga banuesit e zonës për shkak të erës së fortë të kanabisit. Kësisoj kanë përfunduar në burg dy shqiptarët në fjalë. /balkanweb
