Të gjitha familjet që nuk i kanë legalizuar bizneset apo banesat që ndodhen në gjurmët e projektit të Unazës së Madhe, do të përfitojnë nga një garanci 3-vjeçare për shtëpi me qira.
Ky është vendimi i Bashkisë së Tiranës për të gjithë të prekurit nga projekti i Unazës që nuk kanë dokumente, ndërkohë ata që i kanë pronat me dokumente, do të kompensohen.
Kryetari i Bashkisë, Erjon Veliaj tha se kjo qira ishte më e madhe se qiraja që iu dha familjeve që u preken nga segmenti Fabrika e Miellit-TEG. Kryebashkiaku u shpreh se ky ishte trajtimi më i mirë që mund të bëhet për ata që “kanë zaptuar tokën e dikujt tjetër”.
“Për të gjithë njerëzit që janë të prekur nga ky projekt,bashkia e Tiranës, edhe pse nuk e implementon projektin, pasi është projekt i bashkisë, por që dhe po ta implentonte ajo do të ishte po aq i vendosur.
Të gjithë ata qytetarë do të kenë trajtim edhe më të mirë se po i njëjti segment nga Fabrika e Miellit tek TEG-u. Si bashki e Tiranës kemi ofruar 3 vite qera, për ata që nuk kanë asnjë letër, ta themi troç kanë zaptuar tokën e dikujt tjetër në gjurmët e unazës. Prindërit e mi jetuan këtu por nuk zaptuan diçka, jetuan aty ku i caktoi sistemi, si 99%. Dihej që në kohën e Adil Çarçanit që aty kalon rruga”.
