Erzina Shehu është në pritje të ëmbël të një bebushi bashkë me bashkëshortin e saj, reperin MC Kresha.
Lajmi i bukur i shtatzënisë u bë publik që pasi u publikuan fotot e dasmës, ku Erzina shfaqte bakun e rrumbullakosur.
Çifti kurorëzuan dashurinë e tyre me martesë më 15 dhjetor të vitit të kaluar, ndërsa brenda pak muajsh pritet të bëhen prindër.
Dhe ja vetëm pak orë më parë, Erzina ka ndarë me ndjekësit në rrjetet sociale një foto ku tregon sesi po i kalon ditët e pritjes së ëmbël.
Ajo duket mjaft entuziaste dhe në formë me barkun e rrumbullakosur të cilin e ekspozon, e veshur me një body ngjyrë mishi. Erzina tregon gjithashtu nepsin e këtyre ditëve që janë petullat e famshme të ëmbla, “donuts”.
MC Kresha dhe Erzina jetojnë së bashku në Prishtinë, ndërsa njihen si një çift i rezervuar për jetën private.
Lidhur me këto zhvillime të reja në jetën e tij, Kresha ka folur vetëm një herë në emisionin “N’darkë” ku për çudi, lumturinë e të bërit baba e lidhi me çështjen kombëtare.
“Krijimi i familjes është një cikël që secili prej nesh e pret. Fatkeqsisht unë e kam shtyrë goxha, e mira është sa më herët, për të dhënë shembull. Duhet të marrim parasysh që në shtetet fqinje që ne i kemi armiq të përbetuar, kryeministrat bëjnë thirrje që njerëzit të bëjnë fëmijë sa më shumë. Sepse ne që i kemi shtyrë martesat kemi ndikuar negativisht në natalitetin e kombëtar. Besoj secili prej nesh e ka obligim natyror të martohet e të shtohet.”-është shprehur artisti i njohur.
