Ditën e djeshme qarkulloi në rrjetet sociale një video skandaloze e një arsimtari nga Fushë-Krujë, i cili shfaqej para kamerës duke bërë gjeste të pahijshme. Sipas denoncimit të bërë nga ish-kryeministri Sali Berisha, mësuesi i matematikës në shkollën 9-vjeçare “Adem Gjeli” i dërgoi një video perverse nxënëses së tij të mitur, e cila u përhap shumë shpejt tek të gjithë nxënësit e tjerë.
Pas denoncimit të rastit, mësuesi i matematikës është thirrur në Policinë e Fushë-Krujës, ku ka mohuar të ketë pasur qëllime të këqija me dërgimin e video-s. Pas këtij rasti skandaloz ka reaguar edhe bashkëshortja e tij, e cila nëpërmjet Facebook-ut të djalit, i ka shkruar ish-kryeministrit Berisha.
“I nderuar zoti Berisha, sa për djeni: Jam bashkëshortja e profesorit nga Fushë-Kruja. Dua t’ju bëjë me dije se video-ja ishte një lojë mes midis nesh ku gabimisht e ka postuar pa vetëdije në Facebook duke menduar se ma kishte dërguar mua në Messanger.Shpreh keqardhjen që ndodhi kështu, të njëjtën vuajtje ka dhe im shoq i cili nuk ka vajtur sot në shkollë dhe ka pranuar të jap dorëheqjen.
Ndërsa në lidhej me shprehjet që më akuzoni se jam socialist nuk është aspak e vërtetë dhe sot unë po vuaj pasojat pasi në periudhën tuaj bashkëshorti im ka qenë drejtues shkolle dhe dua t’ua bëjë me dije që jo vetëm familja ime, por gjithë farefisi i bashkëshortit dhe un si shkodrane e flaktë që jam madje edhe pothuajse gjithë qyteti i Shkodrës kemi qenë dhe jemi pas teje dhe un përfaqësojë gjithë Shkodrën demokrate. Pranoj që ishte një gabim padashje duke qenë se im shoq nuk është aq specialist në përdorimin e rrjeteve sociale dhe pranoj se ka gabuar. Nuk ju kemi braktisur në kohë të vështira, kemi qenë dhe do jemi gjithmonë me ju. Ju lutëm gjykoni si një prind dhe jo si një politikan. Faleminderit për mirëkuptimin”, përfundon bashkëshortja e mësuesit të matematikës, Fatmira Dervina.
