Që vera e këtij viti do jetë vera e bashkëpunimeve, kjo është pak por e sigurtë.
Pas disa bashkëpunimesh të suksesshme, Majk dhe Ghetto Geasy do të sjellin një tjetër projekt muzikor.
Kanë qenë vetë artistët që kanë lajmëruar këngën e re në Insta story, ku shkruajnë se shumë shpejt do publikojnë bashkëpunimin e radhës.
“Si gjithmonë edhe kësaj here po e djegim lojën. Përndryshe veç lodhesh. Coming soon. The best duo of all time”, shkruan Gheto Geasy në storyn e tij që është rishpërndarë më pas edhe nga Majk.
Nuk dihet ende sa do presim për publikimin e kësaj kënge, pasi reperët nuk e kanë ende një datë, teksa as titullin nuk e kanë bërë me dije.
Dyshja ka sjellë disa bashkëpunime të sukseshme, ku i fundit ishte “Malena”, që bëri namin verën e kaluara.
Duket se Ghetto Geasy po planifikon të rikthehet fuqishëm pas 7 muajsh, kur publikoi këngën e tij të fundit në bashkëpunim me Onat dhe Shaolin Gang.
Disa ditë më parë, në llogarinë e tij në Instagram, reperi ka ndarë një foto nga studio muzikore, ku shfaqet me bashkëpunëtorët e tij.
https://www.instagram.com/p/CBJjR07npZj/?utm_source=ig_embed
Nga ana tjetër Majk ka qenë mjaft aktiv dhe gjatë karantinës ka publikuar dy këngë “Dynja” dhe “Serenatë”.
