Këngëtarja Elvana Gjata vetëm pak ditë më parë paralajmëroi se së shpejti do të hedh në treg një këngë të re. Ndërkohë që është duke shijuar suksesin e albumit të saj të tretë me titull “3EP”, po i surprizën fansat me një lajm të ri në karrierën e saj artistike.
Elvana gjatë ditës së sotme me anë të një postimi në “Instagram” ka zbuluar se kësaj radhe nuk do të vijë vetëm, por në bashkëpunim me një ndër reperët më të famshëm amerikanë.
Këngëtarja shqiptare do të përformojë së bashku me reperin Ty Dolla $ign. Kënga e tyre titullohet “Off Guard” dhe sikurse ka paralajmëruar Elvana, ajo do të publikohet më 6 prill.
Pas prezantimit të albumit të saj “3EP” në koncertin e saj recital, ky pritet të jetë një ndër sukseset më të mëdha të Elvanës që do ta bëjë pjesë edhe të muzikës ndërkombëtare. Kujtojmë se Elvana prej disa kohësh po punon me një ndër producentët më të famshëm në botë, Poo Bear.
