Prej disa ditësh është bërë zyrtar lajmi se Elvana Gjata dhe Ardian Bujupi do të sjellin bashkëpunimin e tyre të parë.
Ata njoftuan se kënga e tyre mban titullin “Meine Liebe” (Dashuria ime) dhe duket se tani çdo gjë është gati.
Pak minuta pas mesnate ata kanë hedhur në treg projektin e tyre muzikor, i cili pritet të bëjë namin.
Tekstin e këngës e kanë shkruar të dy artistët së bashku me Dominik Lange.
Në klipin e këngës, Elvana shfaqet më e thjeshtë se kurrë me një këmishë të bardhë, xhinse dhe flokë të çrregullt.
Kënga është pritur mjaft mirë nga fansat e tyre dhe menjëherë pas publikimit ka marrë me mijëra klikime.
