Gjykata e Tiranës ka dhënë sot masën e sigurisë “Arrest me burg” për 35-vjeçarin, Alfred Kazanxhi, i cili dhunoi brutalisht djalin 3-vjeçar të bashkëjetueses së tij.
I mituri ndodhet në gjendje kritike për jetën pasi ka disa brinjë të thyera, ndërsa ka pësuar edhe hemoragji të brendshme si pasojë e goditjeve të marra.
Nëna e të miturit ka deklaruar se e ka gjetur djalin të dhunuar dhe në gjendje të rëndë, kur ishte kthyer nga pazari, shkruan “Balkanweb”.
“Kisha dalë për pazar gjatë fashës orare. Kur erdha e gjeta djalin të rrahur. Nuk e di se çfarë ka ndodhur”, ka dëshmuar arjo.
Fëmija ka pohuar në prani të psikologes se e ka rrahur njerku.
Edhe fqinjët kanë deklaruar se shpeshherë e kanë parë të miturin me shenja.
I arrestuari ndërkohë ka mohuar dhunën para gjykatësve, duke thënë se fëmija ka rënë nga divani./gazetareforma
