Aktori hollivudian, Kevin Spacey, është në qendër të vëmendjes së mediave pas akuzave të rënda për ngacmim seksual, i cili për t’u shpëtuar atyre doli hapur si homoseksual. Pas dy rasteve, një barist 19-vjeçar tashmë ka bërë të njëjtën akuzë ndaj aktorit 58-vjeçar.
Barista Daniel Beal ka deklaruar se Spacey i ka nxjerrë gjenitalet e tij teksa po pushonte në hotelin “Goodwood Park” në Sussex të Britanisë së Madhe, në 2010-n.
Në atë kohë aktori ka qenë drejtor artistik i teatrit London’s Old Vic.
Beal thotë se Spacey u ul pranë 19-vjeçarit në një stol, pasi i tregoi organin gjenital i tha: “Është i madh, apo jo?”, para se të përpiqej të tërhiqte dorën e baristit drejt tij.
Kur Beal u kthye në bar për të punuar, Spacey dyshohet se e ndoqi atë dhe këmbënguli që t’i jepte një orë zvicerane me vlerë prej 5,000 paund.
“Mendova se po bënte shaka, por ai hoqi orën nga dora dhe ma dhuroi. Tani që e mendoj, kuptoj që ma dha për të më bërë të heshtja”, tregon barisit, i cili tashmë është 26 vjeç.
Më herët kolegu i tij, aktori Anthony Rapp e akuzoi se kishte tentuar ta përdhunonte kur ai ishte vetëm 14 vjeç.
Burimi: Independent
