Pasi Shqipëria iu nënshtrua një izolimi të pashembullt si masë mbrojtëse ndaj përhapjes së pandemisë COVID-19, ekonomia e vendit pësoi një goditje të madhe.
Efektet kanë qenë thuajse fatale kryesisht për sektorin e bareve dhe restoranteve, që përgjatë gjithë kësaj kohe kanë përjetuar një humbje të jashtëzakonshme e shumë prej tyre mendohet se nuk do të jenë më në gjendje të rihapin dyert pas përfundimit të pandemisë.
Megjithatë, disa prej tyre, e kanë gjetur një rrugë shpëtimi për të mos u rrëzuar në mënyrë përfundimtare. Pandemia e COVID-19 nxorri në pah rëndësinë e shërbimit delivery, që në këtë kohë të vështirë, i ka mundësuar bizneseve të shumta që të vijojnë punën duke mos rrezikuar shëndetin e punojësve apo klientëve.
Sipas INSTAT, në vitin 2020, bizneset e bareve, restoranteve dhe akomodimit kishin shitjet më të mëdha online. Në vitin 2020, më shumë se 38% e këtyre aktivitete realizuan shitje online në raport me 12.8% në 2019. Gjatë periudhës pandemike, numri i bizneseve në sektorin e akomodimit, bareve dhe restoranteve që shitën nga interneti u trefishua.
Ekonomistët e lartë të Bankës Botërore, Christoph Ungerer dhe Alberto Portugal, të cilët udhëhoqën një studim për avancimin e ekonomisë dixhitale gjatë kohës së pandemise, verifikuan se, 54% shqiptarëve të anketuar treguan se ata kanë rritur porositë dhe blerjet nëpërmjet internetit gjatë krizës. Nga këta, 74% besojnë se do të vazhdojnë të porosisin më shpesh edhe kur pandemia të ketë kaluar.
Që prej fillimit të izolimit, Snapfood ka ulur në mënyrë drastike tarifat e shërbimit për të gjithë bizneset që janë pjesë e aplikacionit, duke u mundësuar atyre frymëmarrje në momentet më kritike.
Një rëndësi e veçantë iu dha bizneseve që ofrojnë produkte të domosdoshme për qytetarët si farmacitë e supermarketet por edhe dyqanet e duhanit, të cilat u bënë pjesë e “Snapfood” dhe operuan në aplikacion me një tarifë 0, në mënyrë që të vijonte aktiviteti i tyre pa presionin e shpenzimeve të shtuara për shërbimin e shpërndarjes.
Ky hap domethënës i “Snapfood” është një shembull për t’u ndjekur në një kohë kaq të vështirë që të gjithë po kalojmë.
