Të dielën e 16 tetorit u zhvillua derbi i shumëpritur midis Real Madrid-it dhe Barcelonës në stadiumin “Santiago Bernabeu”.
Të shumtë ishin tifozët që vendosën baste dhe ishin të bindur për fitoren e Barcelonës. E një ndër to edhe reperi amerikan Drake.
Mirëpo fitorja 3-1 për madrilenët, rezultoi me shumë humbje për tifozët e zjarrtë të Barçes.
Edhe vetë Drake, ra me dy këmbë, duke humbur 800 mijë dollarë në skedinën e vendosur. Lajmin e bëri me dije vetë reperi, me anë të një imazhi në Instagram.
Në fillim të vitit 2022-2023, Barcelona nënshkroi një marrëveshje me Spotify. Meqenëse të dyja organizatat nënshkruan marrëveshjen, stadiumi Camp Nou u bë stadiumi Spotify Camp Nou.
Sidoqoftë, marrëveshja midis Barcelonës dhe Spotify shkon përtej një emri dhe një imazhi të printuar.
Barcelona zgjodhi si imazh të tyre, Drake.
“Një nga boshtet kryesore në aleancën midis FC Barcelona dhe Spotify është bashkimi i futbollit dhe muzikës për t’u lidhur me audienca të reja në mbarë botën. Për të bashkuar këto dy fusha që ndajnë aftësinë e tyre për të bashkuar njerëzit dhe për të ngjallur emocionet e tifozëve, skuadra e parë e futbollit për meshkuj do të dalë në fushë në El Clasico të së dielës me një fanellë që për herë të parë nuk do të shfaqë logon e saj, por një artist të njohur ndërkombëtarisht: këngëtarin dhe kompozitorin Drake, – u shpreh FC Barcelona.
Real Madrid mposhti 3-1 Barcelonën me dy gola të pjesës së parë.
Dy golat e parë të ndeshjes u shënuan nga Karim Benzema dhe Federico Valverde. Më pas Ferran Torres shkurtoi me një diferencën, por një penallti e shënuar nga Rodrigo në kohën shtesë i dha fitoren Real Madridit.
