Këngëtarja Barbara Dini e vuan çdo ditë edhe më shumë ndarjen e saj nga i vëllai, Ergi. Edhe pak ditë dhe bëhet një vit nga ndarja nga jeta në mënyrë tragjike e këngëtarit Ergi Dini.
Barbana kishte një lidhje shumë të fortë me të vëllanë dhe ishte një ndër pjesëtarët e familjes që e përjetoi më keq nga të gjithë këtë humbje. Pavarësisht kësaj Ergi është çdo ditë pranë të motrës, me kujtimet që ata kanë kaluar bashkë. Këto na i kujton vazhdimisht këngëtarja nëpërmjet postimeve që ajo bën në rrjetet sociale.
Së fundmi Barbana ka publikuar një fotografi në “Instagram”, ku shkruan: “Ne ishim kaq të lumtur dhe të plotësuar. Treshja ideale…”
Këngëtarja e talentuar e rigjeti forcën të ngjitej në skenë pas ndarjes nga jeta e të vëllait. Ajo ka premtuar që do të vazhdojë rrugën që la në mes Ergi.
