Ish-presidenti i Shteteve të Bashkuara të Amerikës, Barack Obama, ka folur gjatë një interviste për romancën e vajzës së tij të madhe, Malia-s.
Prej disa kohësh ajo po shijon lidhjen me një djalë britanik, lidhje e cila u konfirmua nga vetë Obama.
Ish-presidenti u rrëfye për muajt e karantinës, duke shtuar faktin se me ta ishte edhe i dashuri i Malia-s.
Megjithëse Obama s’e kishte dashur këtë veprim në fillim, pranoi se e mori djalin në shtëpinë e tyre, pasi ai ngeci në atë shtet për shkak të vizës.
“Ashtu si shumë familje, edhe ne në muajin e parë të karantinës luanim lojëra çdo natë ose merreshim me art. Më pas gjërat filluan të bëheshin të mërzitshme. I mësova një lojë me letra Malias, Sashas dhe të dashurit të Malias që qëndroi me ne për ca kohë”- tregoi Obama.
Gjithashtu, për partnerin e vajzës së tij, shtoi me humor:
“Është britanik, një djalosh shumë i mirë. Ai ngeci këtu për shkak të vizës dhe e morëm ne në shtëpi. Nuk doja ta pëlqeja, por ai është djalë i mirë. Vetëm se djemtë e rinj hanë shumë”.
