Banori i “Big Brother Vip Kosova”, Gjon Karrica i njohur për publikun si “Lugati” ka lënë sot në orët e para të mëngjesit shtëpinë, pasi ka pasur një sulm të rëndë epileptik.
Ka qenë Stresi ai që i ka dhënë ndihmën e parë mjekësore duke i nxjerr gjuhen pas sulmit epileptik që pësoi Karrica dhe më pas është shoqëruar në spital për të marrë ndihmën e nevojshme mjekësore.
“Gjendja e tij ka qenë shumë e rëndë. Tani është në reanimacion dhe në gjendje më stabël”-shkruan “Indeksonline”, duke cituar burime nga spitali ku ndodhet Gjon Karrica.
“Big Brother Vip Kosova” i bëri me dije ndjekësit e tij me anë të një postimi në rrjete sociale pasi banori Gjon Karrica la shtëpinë.
“Banori i Big Brother VIP Kosova, Gjon Karrica, i njohur si Lugati, sot në mëngjes ka pasur një shqetësim shëndetësor, për të cilin menjëherë i është ofruar ndihma profesionale mjekësore dhe tash është në gjendje stabël Karrica, vazhdon të jetë nën mbikëqyrje të mjekëve dhe momentalisht nuk ka shqetësime.” – njoftimi nga Klan Kosova.
Karrica, vazhdon të jetë nën mbikëqyrje te mjekëve dhe momentalisht nuk ka shqetësime. Për të parë nga afër gjendjen e tij shëndetësore, tek QKUK-ja sapo ka arritur edhe moderatori Alaudin Hamiti.
