Shpesh banorët e Big Brother VIP Kosova vendosin që të bisedojnë për tematika të ndryshme. Kështu kanë bërë së fundmi Xhuli, MC Beka, Shota dhe Gjon Karrica teksa ndodheshin në një darkë bashkë. Tema e diskutimit ka qenë pikërisht aborti.
MC Beka ka thënë se është kundër abortit në përgjithësi por përjashtim bën vetëm një arsye e rëndësishme sipas tij.
“Unë jam shumë kundër abortit, tepër, e dua frytin e dashurisë se ai bëhet me dashuri dhe nuk është e drejtë e askujt përveç Zotit të krijoj fatin e një fryti, aborti vetëm nëse rrezikon në fillim procesin e për të shpëtuar personin e marri si gjysmë të arsyeshëm, përveç nëse sjell probleme të mëdha, unë jam pro fëmijës”, ka thënë ai.
Mirëpo Juliana ose siç e thërrasin Xhuli, ka kundërshtuar duke thënë se është pro abortit.
“Unë jam kundër asaj që the ti, sepse ndodhin abuzime ka lloj-lloj arsye pse një grua mbet shtatzënë pa dëshirë e saj dhe kush jeni ju meshkujt pa vagjinë me na vendos neve a me pas abort a jo, fryti duhet të hiqet nëse gruaja vendos që nuk i takon me u rrit në trupin e saj dhe ne si gra kemi të drejtë ta heqim nga trupi jonë nëse ne nuk e duam atë fryt a nëse bëhet me dashuri është tjetër, trupi i gruas është vetëm i gruas dhe vetëm asaj i takon me vendos çka don të bëjë ”, u shpreh Xhuli.
