Ismail Morina, i njohur nga të gjithë me emrin Ballist Morina vazhdon të vuajë dënimin prej tre muajsh ne burgun e Dubriovnikut në Kroaci. Një dritë jeshile është ndezur më në fund në familjen e tij, ndërkohë që po kalojnë këto kohë të vështira. Morina është bërë baba për herë të tretë. Bashkëshortja e tij, Federika Lo Toro, ka lindur djalë dhe ai është pagëzuar me emrin Flamur.
Duket se edhe emri i të sapolindurit është në nder të aktit gjatë ndeshjes Serbi-Shqipëri. Flamuri do të mbajë me vete edhe ngjarjen e madhe që pati protagonist të atin dhe flamurin me mbishkrimin “Autochtonus”.
Aktualisht Ballist Morina qëndron ende në pritje pasi ka kërkuar rishqyrtim të çështjes së tij, pas refuzimit për t’u ekstraduar në shtetin fqinj.
