Mundimi i balerinit shqiptar Kledi Kadiu nga adoleshenca, ka vite që po shpërblehen. Ai ka arritur tashmë një sukses dhe karrierë në ndritur në Itali.
Kledi pritet të inaugurojë shkollën e re të kërcimit më 10 shtator në Desenzano del Garda, një filial tjetër i grupit të shkollave që mbajnë emrin e tij “Kledi Dance”.
Ai bëri publik faktin se, “kumbara” e mbrëmjes do të jetë pikërisht legjenda botërore e baletit, Carla Fracci.
Balerina tashmë 79-vjeçare ka punuar me disa prej kompanive të baletit më të famshme në botë, si “London Festival Ballet”, “Royal Ballet”, “Royal Swedish Ballet” etj. Fituesja e disa çmimeve prestigjioze në karrierë, është e njohur për rolet e saj në “Giselle” dhe “Nijinsky”. Fracci ka performuar krah emrave më të mëdhenj të baletit botëror si Rudolf Nureyev, Vladimir Vasiliev, Eric Bruhn etj.
Ajo do të nderojë Kadiun në mbrëmjen e përurimit të shkollës së re të balerinit.
*Shfleto galerinë
