Balenciaga është pozicionuar edhe një herë në krah të Ukrainës, për të mbështetur popullin kundër luftës me Rusinë.
Siç u raportua nga Presidenti Zelensky në profilin e tij në Instagram, Demna Gvasalia, drejtor kreativ i markës, është bërë ambasador i projektit për mbledhjen e fondeve “United24”.
View this post on Instagram
Pasi Rusia pushtoi Ukrainën, Demna ishte një nga figurat e para publike në botën e modës që mori anën e saj dhe adresoi krizën humanitare.
“Lufta në Ukrainë ka nisur dhimbjen e një traume që e kam mbajtur që nga viti 1993”, shkroi stilisti në një letër të publikuar në sfilatën e tij të modës FW22.
Balenciaga ka nënshkruar një partneritet me fondin e Ukrainës të United24, kushtuar restaurimit të infrastrukturës së vendit duke përfshirë spitalet, shkollat dhe rrugët.
Prandaj erdhi dhe vendimi për të nxjerrë një bluzë për të mbledhur fonde dhe për të arritur ndërgjegjësim për fondin e Rindërtimit të Ukrainës.
“United 24” është një nismë globale e themeluar nga Zelensky në mbështetje të vendit.
Për të mbështetur fushatën, marka ka krijuar një bluzë të re, të ardhurat totale të së cilës do t’i dhurohen “Ukraine Recovery”, një program për të ndihmuar refugjatët ukrainas.
100% e fitimeve neto nga shitja e bluzës do t’i dhurohen fondit, tha Balenciaga në një deklaratë për “BOF”.
Në deklaratën e Balenciaga-s, Zelensky falënderoi Demnën për angazhimin e tij ndaj çështjes ukrainase.
“Është thelbësore që ne të mbajmë fokusin e botës në Ukrainë për të ndihmuar në rindërtimin e vendit tonë”, tha ai.
Figura të tjera të përzgjedhura për iniciativën përfshijnë aktorin amerikan Liev Schreiber, grupin pop Imagine Dragons, ish-futbollistin Andriy Shevchenko dhe tenisten ukrainase Elina Svitolina.
