Futbollisti i njohur i Realit të Madridit, Gearth Bale në pranverën e ardhshme do të kurorëzojë me martesë lidhjen e tij të dashurisë me Emma Ryhs-Jones. Fillimisht, dasma pritej të zhvillohej brenda këtij viti në Itali, por u shty pasi i ati i Rhys-Jones u arrestua për evazion fiskal.
“The Sun” ka bërë me dije se Bale aktualisht është në bisedime me Beyonce-n për të performuar në dasmën e tij. Futbollisti ka deklaruar se është i gatshëm të paguajë 1.5 milionë paund.
Ende nuk është marrë një përgjigje përfundimtare nga këngëtarja amerikane dhe skuadra e saj, por shanset janë të mëdha që diva e skenës të shfaqet në dasmën e Bale-s.
Futbollisti i Realit të Madridit fiton 15 milionë paund në vit. Ai ka planifikuar dy dasma, një në Uells dhe tjetrën në Itali.
Burimi: The Sun
