Baby G dhe Lim Hoti janë kthyer në kryefjalën e mediave rozë për shkak të historisë së tyre të ndërlikuar të dashurisë.
Prej kohësh ata po përfliten për një ndarje të mundshme, megjithatë urimi që i bëri për ditëlindje Limi këngëtares na bëri të gjithëve lëmsh.
Por pavarësisht urimit, duket se marrëdhënia e tyre nuk është aspak mirë dhe këtë e tregojnë disa shenja.
E para, Baby G ka fshirë nga Instagram-i të gjitha fotot kush shfaqej me reperin.
E dyta, ata nuk ndiqen më në rrjetet sociale.
E treta projekti i tyre i përbashkët muzikor është fshirë nga Youtube dhe kjo e katërta sapo i vuri vulën.
Pak orë më parë këngëtarja ka publikuar në Instagram një video provokuese ku tund të pasmet e saj nën këngën e rivalit të Limit, Noizy.
Bëhet fjalë për këngën ritmike “Nuk kam besu” , të cilën Noizy e ka publikuar rreth 2 javë më parë.
Kujtojmë se Lim Hoti është pjesë e grupit të Stresit dhe Noizy është rivali i tyre i përbetuar.
Dy grupet muzikore ish-Omerta dhe OTR shpesh kanë pasur probleme serioze mes tyre dhe ndonëse konfliktet nuk kanë qenë shumë prezente tensioni vihet ende re.
Fakti që Baby G kërcen nën ritmet e këngës se anëtarit të OTR, tregon se marrëdhëniet e tyre nuk janë aspak mirë.
