Dukagjin Lipa nuk është i njohur vetëm si babai i këngëtares së famshme me origjinë shqiptare, Dua Lipës. Ai gjithashtu mban “titullin” babai më seksi në industrinë botërore muzikore.
Madje, kjo gjë iu tha drejtpërdrejtë edhe në 2019 gjatë “Brit Awards” dhe videoja asokohe bëri xhiron e rrjetit.
Dukagjin Lipa është njëkohësisht edhe menaxheri i Duas, ku që prej fillimit ka marrë vëmendje të madhe me paraqitjen e tij simpatike. 53-vjeçari, gëzon një popullaritet edhe në rrjetet sociale ku ndiqet nga gati 300 mijë ndjekës.
Ai i përdor rrjetet sociale kryesisht për të ndarë imazhet e udhëtimeve që bën kryesisht me familjen dhe momente nga turet, koncertet e Dua Lipës.
E pyetur më herët në një intervistë se çfarë mendimi ka Dua Lipa në lidhje me këtë çështje, duke qeshur u shpreh:
“Po, jam e vetëdijshme për këtë, atij i duket qesharake, por realisht nuk flasim shumë për këtë.”
Po kush është Dukagjin Lipa?
Ashtu si vajza e tij, ai ka qenë gjithmonë i lidhur me botën e muzikës dhe, në fakt, ai ishte një yll më vete gjatë viteve 1990, kur bashkëpunoi në disa grupe dhe ishte këngëtari kryesor i grupit Oda, i cili u nda në 1998.
Më pas filloi karrierën e tij si producent muzikor, profesion të cilin e vazhdon edhe sot e kësaj dite.
Ai luan piano dhe kitarë, ndërsa së bashku me gruan e tij Anesa Lipa, ai ishte përgjegjës për kultivimin e shijes së Duas në muzikë, duke e bërë atë të dëgjojë Oasis, David Bowie, Blur dhe Stereophonics që kur ishte fëmijë.
Dukagjin drejton Agjencinë e Komunikimit të Republikës, e cila që nga viti 2018 është organizatore e Festivalit Ndërkombëtar Sunny Hill.
