Grupi më i njohur i muzikës që bëri bashkë reperët më të famshëm shqiptarë, BabaStars, është në krizë.
Reperi Visar Shala i njohur si Skivi, nuk është më pjesë e grupit, raporton “lajmi.net” dhe për më tepër, ai ka një vit që nuk është më pjesë e BabaStars.
Këtë e dëshmojnë edhe dy projektet e fundit muzikore të cilat nuk janë publikuar në kanalin e grupit, por të Skivit. Fjala është për duetin e fundit me Genën, këngën ‘Kijamet’ dhe atë solo ‘Dita Nata’ të publikuar para katër muajsh.
Nuk dihet nëse ka ndodhur ndonjë zënkë apo ka pasur pakënaqësi mes Skivit dhe kreut të grupit, Getoar Selimi. Gjithsesi, kjo nuk është hera e parë që ka pasur përplasje.
Në fund të vitit 2017, Albert Krasniqi iku me debate nga grupi dhe publikoi një bisedë në “Viber” me Getin, ku i thoshte se po merret më shumë me Majkun sa u përket datave të koncerteve, ndërsa interesimi për Skivin, Cozman dhe Onatin është shumë i vogël.
Sipas tij, Babastars është shndërruar në një monopol dhe reperët nuk po promovohen siç duhet.
