Arrestimi i disatë i këngëtarit të famshëm të viteve ’90 R Kelly, një prej artistëve ikonikë të muzikës R’n’b, çimentoi statusin e tij si një prej njerëzve më të urryer në planet. (lexoje këtu)
Akuzat e para kundër R Kelly-t kanë nisur në 2002-shin, kur këngëtari i hitit “Ignition” u denoncua për abuzim seksual dhe pornografi me të mitur nga 21 njerëz.
Në 1996-ën, ai u martua me kërcimtaren e koncerteve të veta, Andrea Lee, me të cilën pati tre fëmijë.
Aspak e lehtë të rriteshin në një ambient ku të gjithë i etiketonin si “fëmija i R Kelly-t”, pasi skandali shpërtheu në vitin 2002 duke tronditur shumë fansa të këngëtarit, i cili deri atëherë kishte qenë një prej artistëve më të adhuruar në Amerikë.
Vajza e tij e madhe, Buku Abi, foli hapur për këto vështirësi në një intervistë për “Growing Up Hip Hop”, ajo rrëfeu se kishte menduar disa herë vetëvrasjen.
“Të përballesh gjatë gjithë kohës me atë se çfarë thuhet në media për tim atë nuk është aspak e lehtë”, u shpreh ajo, “Njerëzit janë gjithë kohës duke thënë: “Si ndihesh për skandalet?”, ndërkohë që mua s’më plas fare për skandalet. Unë e kam problemin me tim atë. M’u desh të braktisja shkollën. Prindërit nuk i linin fëmijët të rrinin me mua. Kam qarë me netë e me ditë të tëra. Jam e trishtuar, kam të drejtë të jem e trishtuar.”
Buku, 21 vjeçe, ndihet e lodhur emocionalisht së përjetuari gjithë luhatjet e të qenit vajza e R Kelly-t.
“Jemi ende në përpjekie për t’u shëruar nga e gjithë kjo por është shumë, shumë, shumë. Deri në pikën sa kam menduar të vetëvritem.”
Në 2008-ën, u finalizua divorci i Andrea Lee-së nga R Kelly.
Së fundi, një dëshmitar i ri zbuloi se R Kelly kishte abuzuar seksualisht dhe xhiruar një vajzë 12-vjeçare, të cilën më pas e kishte korruptuar për të mos folur.
Prokuroria thotë se ka shtënë në dorë 20 video të këngëtarit me vajza të ndryshme.
