Dy ditë më parë, Kryeministri Rama njoftoi se babai i pacientit zero që është shtruar te Infektivi, ka bërë testin e parë që i ka rezultuar negativ ndaj Koronavirusit.
Sot ai do të bëjë testin e dytë dhe nëse rezultati është negativ, ai do të mund të largohet në shtëpi.
Megjithatë, Viktor Kola ka nisur të bëjë rezistencë ende pa marrë përgjigjen e testit të dytë.
Ai është përplasur me mjekët e Spitalit Infektiv pasi kërkon të kthehet në shtëpi, megjithëse ka ende rrezik për gjendjen e tij.
Ai duhet të vetëizolohet për 14 ditë pasi ekziston mundësia e rikthimit të virusit.
Pavarësisht debatit mes tyre, mjekët kanë theksuar se po ndjekin protokollet e mjekimit dhe s’do të lejojnë askënd të dalë nga spitali pa rezultuar negativ në test.
Ditën e djeshme, në një intervistë për “Open”, babai i pacientit zero ndryshoi skenarin e ngjarjes, duke u shprehur se ishte ai që ia transmetoi virusin të birit dhe jo e anasjellta. (Lexo këtu)
