Një dhimbje e madhe ka pushtuar familjen Dini, pas ndarjes nga jeta të djalit të vogël, 22-vjeçar, pas një aksidenti me motor.
Motra e Ergi Dinit, këngëtarit që humbi jetën mbrëmë në një aksident tragjik, ka publikuar një status ku falënderon të gjithë për ngushëllimet.
Barbana Dini, e cila gjithashtu është këngëtare, është shprehur se për familjen e saj nuk ka ngushëllim pas kësaj tragjedie, ndërsa njofton se varrimi bëhet në Shkodër në orën 15:30.
“Faleminderit të gjithëve për ngushëllimet edhe pse për ne s’ka ngushëllim!Ju lajmëroj se varrimi bëhet në ora 15.30 në Shkodër”, shkruan këngëtarja.
Edhe i ati i Ergit ka njoftuar për të gjithë të afërmit e tyre lajmin e hidhur në rrjetet sociale, por ajo çka bie në sy është edhe një poezi për çastin më të keq, vdekjen që çuditërisht e kishte shkruara para aksidentit të të birit:
ÇAST I KEQ
Vdekja më vështron me sytë tuaj…
Retë dhe pulëbardhat digjen nga perëndimi.
Mbi buzët tuaja prej lamtumire, më pret puthja e fundit.
Hëh!
Trëndafilat prej gjaku të urrejtjes, do thahen në parvazin e horizontit.
Unë pres i veshur me smokingun e zi te muzgut, të takoj ditën tjetër…
