Babai i Beyonce-s, Matthew Knowles, foli për garën në industrinë e muzikës dhe tha se vajza e tij e famshme mund të mos ishte duke shijuar të njëjtin sukses që ka tani, nëse do të kishte lëkurë më të errët.
Ish-menaxheri i “Destiny’s Child” dha një intervistë për “Ebony”, ku diskutoi mbi librin e tij “Racizmi: Nga sytë e një fëmije” dhe pranoi se kur ishte më i ri, ngjyra e errët e lëkurës së tij bënë që, ai të lidhej vetëm me femra pa ngjyrë ose me lëkurë më të hapur se e tija.
“Kam qenë i kushtëzuar nga fëmijëria. I shikoja femrat e bardha, si një mënyrë, me pavetëdije, për të marrë prej tyre. Ka shumë meshkuj me ngjyrë të epokës sime, që nuk janë të vetëdijshme për këtë gjë”, u shpreh Matthew.
Ai tha se po ndan përvojat e tij personale me shpresën se, do të rrisë ndërgjegjësimin për diskriminimin ndaj ngjyrës së lëkurës, të cilin ai e cilësoi si të zakonshme në industrinë e muzikës.
Matthew Knowles tha se vajzat e tij nuk do të ishin aq të famshme, nëse do të kishin lëkurë më të errët. Ai tha se femrat me ngjyrë që janë bërë të yje, kanë lëkurë më të hapur.
“Kur bëhet fjalë për femrat me ngjyrë, cilët janë njerëzit që dëgjojnë muzikën e tyre në radio? Mariah Carey, Rihanna, Nicki Minaj, fëmijët e mi [Beyonce dhe Solange] dhe çfarë kanë të përbashkët?”, pyeti ai.
Marrëdhënia e Beyonce me babanë e saj ka qenë paksa e tensionuar në të kaluarën, por qëkur ndaluan së punuari bashkë, këngëtarja tha se kanë një lidhje të dashur.
Burimi: Independent
